Главная » Featured

Саха сирин уруһуйдьут оҕолорун үлэтин Францияҕа сэргээтилэр

20 марта 2016 Просмотров 522

Ол курдук « Трансполярный экспресс» диэн Франция уонна Саха сирин кыттыгас бырайыактарын иитинэн уруҺуй конкурса буолан, Чукоткаттан, Саха сириттэн уонна Иркутскай уобаластан үөрэнээччилэр кытыннылар. Онуоха Саха сирин дьоҕурдаах оҕолоро кыайыылааҕынан ааттаннылар.

Өссө сүүстэн тахса сыллааҕыта Франция барона Лейк да Лебель ыраах хоту сиринэн эргийэр тимир суол каартатын оҥорбута. Онно ыйылларынан тимир суол Иркутскайы, Саха сирин уонна Чукотканы нөҥүөлээн Беринг силбэһиитигэр холбоһуохтааҕа история чахчытын эргитэн Олоҥхо дойдута хампаанньа ол каартаҕа ыйыллыбыт хайысхаларынан экспедиция тэрийдэ.
Онон Франция уонна Россия хампаанньаларын кыттыгас бырайыактарынан ыытыллыбыт уруһуй конкурстарыгар 300-тэн тахса үлэ киирдэ. Итинтэн бастыҥ үлэлээх сэттэ оҕо Парижка сынньанан, аатырбыт музейдары уу харахтарынан көрөн астынан кэллэ.

Источник: nvk-online.ru